تطعيس من رمال السعودية

مشينا
للبر.

تطعيس وتسييف في طعوس الدهناء.
سوق الوانيت أو الشاص، نسم كفراتك، واختر خطك للطلعة.

على iPhone · عربي وإنجليزي

طعوس الدهناءالوانيت والشاص

ما طلعت معك؟
جرّب خط ثاني.كل محاولة تعلّمك

من داخل اللعبة

شف نفود وهي تلعب.

١:١٤ · بالصوت

طلوع وتسييف وقفزات، من تجربة لعب فعلية.

مرة تضبط معك الطلعة، ومرة تغرز وتطلعها. وإذا ودك تتمشّى، البر قدّامك.

نسم كفراتك واضبط الدبل، وخذ لك مسافة قبل الطلعة. ما ضبطت؟ غيّر خطك وجرّب مرة ثانية.

اطلع الطعس وسيّف على جنبه. جرّب الفرق بين الوانيت والشاص، وتعلّم طبع كل موتر.

حاول تطلع موترك من التغريزة، أو استخدم عدة التعريز. وإذا شفت موتر غارز، تقدر تفزع له.

رفيق الطلعة

من أول الطلعة لين توصل فوق، خويك يعلّق على سواقتك بصوته ويشاركك جو الطلعة.

عصر وغروب وليل. خذ لك لفة بين الطعوس، وإذا عجبك المنظر، وقف وصوّره.

طلوع الطعوس، والتسييف، والقفزات، والفزعات. جرّب أكثر، واجمع أوسمتك وكمل اللي ناقصك.

افتح وضع التصوير، اختر زاويتك، واحفظ صورة من طلعتك.

عندك ملاحظة أو واجهتك مشكلة؟ راسلنا، وقل لنا وش صار معك.